நாகூர் ஞானாசிரியர் ஹஜ்ரத் சொன்னதிலிருந்து....

வாழ்க்கையில் ஒவ்வொரு மனிதனும் செய்ய வேண்டியது, வெற்றியின் பாதை உருவாக்கும் 

பொக்கிஷம், மனிதனாக இருந்து புனிதனாக மாற்றும் திறவுகோல்கள், படித்து வாழ்வில் பயன்படுத்தியவர் ஈடேற்றம் பெற்றார்.

செய்ய வேண்டியது / Do's

1. எப்போதும் Quick Decision எடுக்கவும், அது தவறாக அமைந்தாலும் சரி.

2. தீர்மானித்துவிட்ட சின்னசின்னக் காரியங்களைக் கண்டிப்பாக முடித்துப் பழக வேண்டும்.

3. ஒரு காரியம் தோல்வியுற்றால் அதை உடனே மறுபடி முயற்சி செய்யாமல் கொஞ்சம் gap கொடுத்து முயற்சி பண்ணவும். (மறுபடி முயற்சி பண்ணுமுன் ரிலாக்ஸ்டாக அமர்ந்து மனதை மாற்றிக்கொள்ளவும்.)

4. எந்தெந்த காரியம் நாமாகச் செய்தது, எவையெவை தானகவே - நம் முயற்சியின்றி - நடந்தது என்று குறித்து வைத்துக்கொள்ள வேண்டும்.

5. ஒரு பிரச்சனை வந்தால் குளித்துவிட்டு (ரிலாக்ஸ் செய்து) அந்த பிரச்சனையை மறந்துவிடவும். தீர்வு தானக வரும்.

6. தெளிவாகவும் சுருக்கமாகவும் நிதானமாகவும் பேசவேண்டும்

7. நெகடிவான எண்ணங்கள் வரும்போது முதலில் எண்ணத்தையே தடுத்து நிறுத்திவிடவேண்டும்

8. பணம் வரும்போது ஏற்கனவே போட்ட திட்டப்படிதான் செலவு செய்யவேண்டும்.

9. நாளைய செயல்பாடுகளை இன்றைய இரவு மனதிலோ தாளிலோ குறித்துவைக்க வேண்டும். மறுநாள் செய்தோமோ என்றும் தானகவே குறித்துவைத்தது நினைவுக்கு வந்ததா என்றும் செக் பண்ணிக்கொள்ள வேண்டும்.

10. தவறுதலாக வாழ்ந்துவிட்ட கடந்த காலத்தை சரியாக வாழ்ந்ததாக மறுபடியும் கற்பனையில் வாழ்ந்து (நினைத்து) பார்ப்பது தன்னம்பிக்கையை வளர்க்கும்.

நிதானம்

 நிதானம் 

               எண்ணங்களில், செயலில், சொல்லில் வெளிப்படும்.

நிதானம் என்றல் என்ன ?

எந்த ஒரு செயலிலும் யோசிச்சு எச்சரிக்கையாக பிறருக்கு தீங்கு ஏற்படாத வகையில் அதே நேரத்தில் தமக்கும் பயன் படும் வகையில் எண்ணங்களிலும், செயலிலும், சொல்லிலும் வெளிப்படும். நேரம் தவறாமை, தமக்கு துன்பம் ஏற்படும்போது உணர்ச்சி வயப்படாமலும், கோபம் கொள்ளாமலும் இருக்கும் மனநிலை ஆகும். அதேபோல் சந்தோஷம்  ஏற்படும்போது உணர்ச்சி வயப்படாமலும், பொங்கி கொள்ளாமலும் இருக்கும் மனநிலை ஆகும்.

தன்னை பற்றி நான் யார் அறிவதைபற்றி

இறைச் சிந்தனை, தியானம் போன்றவற்றில் உங்கள் மனத்தைத் தொடர்ந்து ஈடுபடுத்துங்கள். இந்த வழியில் கிடைக்கிற அறிவும் தெளிவும் புத்தகப் படிப்பினால் கிடைக்க முடியாதவை.

உங்கள் மனம் இப்படிப்பட்ட கடினமான பயிற்சியில் ஈடுபடவில்லை என்றால் - அல்லது அதனை நீங்கள் ஈடுபடுத்தவில்லை என்றால் அது வேலை இல்லாத நிலைமைக்கு வந்து விடும். வேலை இல்லாத மனம் ஷைத்தானின் தொழிற்சாலையாகும்.

மனிதனை இறைவன் பக்கம் திரும்பவிடாமல் தடுத்துக் கொண்டிருக்கிற தீமைகளில் பெரும் பகுதி அறவே வேலையில்லாதவர்களாலும் இருக்கிற வேலையை ஒத்திப் போட்டு விட்டு வேலையில்லாத நிலைமைக்கு வந்தவர்களாலும் தான் உற்பத்தி செய்யப்பட்டிருக்கின்றன.

குழந்தைகளிடம் வாசிப்பை மேம்படுத்த சில எளிய வழிகள்.

குழந்தைகளிடம் வாசிப்பை மேம்படுத்த சில எளிய வழிகள்.

1. வீட்டில் குழந்தைகள் கண்ணில் படுகிற மாதிரி புத்தகங்கள் கிடக்க வேண்டும்.

2. அம்மா அல்லது அப்பா தினம் குறைந்தது ஒரு மணி நேரமாவது குழந்தைகளின் முன்னால் வாசிக்க வேண்டும்.

3. குழந்தைகளிடம் உரையாடிக்கொண்டே வாசிப்பது நல்லது.

4. புத்தகங்களை வாசித்துக்கொண்டே குழந்தைகளுக்குக் கதை சொல்லவேண்டும்.

5. கதை சொல்லும்போது புத்தகத்தை அடிக்கடி பார்த்துவிட்டு கதை சொல்லவேண்டும்.

6. அப்படிக் கதை சொல்லிக்கொண்டிருக்கும்போது இடையில் விரித்து வைத்த புத்தகத்தை அப்படியே குழந்தையிடம் விட்டு விட்டு எழுந்து சென்று கவனிக்க வேண்டும். குழந்தை அந்தப்புத்தகத்தைக் கையில் எடுக்கிறதா இல்லையா என்று பார்க்க வேண்டும்.

7. குழந்தைகள் புத்தகங்களில் கிறுக்கினாலோ கிழித்தாலோ திட்டவோ மிரட்டவோ கூடாது.

8. குழந்தைகளை மடியில் வைத்துக்கொண்டு புத்தகங்களில் உள்ள கதைகளைச் சொல்ல வேண்டும்.

9. குழந்தைகளுக்குக் கதை சொல்லும்போது ஏனோ தானோ என்றோ தாங்கள் சின்னவயதில் கேட்ட கதைகளையோ சொல்லாமல் நாமும் அதில் ஒன்றி குழந்தைகளின் கண்களைப் பார்த்துக்கொண்டு அபிநயம் பிடித்துக்கொண்டு சொல்லவேண்டும்.

10. இவை எல்லாவற்றுக்கும் முதலில் குழந்தைகளுக்கான புத்தகங்களை வாங்கி முதலில் அம்மாவும் அப்பாவும் வாசித்து விடுவது நல்லது. குழந்தைகளை வைத்துக்கொண்டு எழுத்துக்கூட்டி வாசித்துக்கொண்டிருக்கக்கூடாது.

11. குழந்தைகள் தமிழ் புத்தகங்களை வாசிப்பதன் மூலம் தமிழ் மொழி, தமிழினம், பாதுகாக்கப்படுகிறது என்ற உணர்வு பெற்றோர்களுக்கு வேண்டும்.

12. எனக்கு என்னுடைய அம்மா தான் வாசிப்பின்ருசியை ஊட்டிவிட்டவர். வீட்டில் வாங்கிய வணிகப்பத்திரிகைகளின் வழியாக வாசிப்பை மேம்படுத்திக்கொண்டேன்.

13. பள்ளியில் இருந்த நூலகவகுப்பு, நீதிபோதனை வகுப்பு, அதில் கிடைத்த உண்மையான குழந்தைக்கதைகள் என்னிடம் வாசிப்பிற்கான தேடலை உருவாக்கியது.

14. என்னுடைய நண்பர்கள் புத்தகங்களை வாசிக்கிற, நூலகத்துக்கு செல்கிற நண்பர்கள். அவர்களுடனான உரையாடல் சிறுவயதிலேயே வாசிப்பதற்கும், எனக்கென்று புத்தகங்களை வாங்கவும், பதுக்கவும், திருடவும்கூட செய்யவைத்தது.

15. விளையாட்டு சாமான்களை தயக்கமில்லாமல் வாங்கிக்கொடுப்பதைப் போல புத்தகங்களை வாங்கிக்கொடுக்கவும் அந்தப்புத்தகங்களை வைத்துக்கொள்ள வீட்டிலுள்ள அல்மாரியில் சிறு இடம் ஒதுக்கிக்கொடுக்கவும் வேண்டும்.

16. எக்காரணம் கொண்டும் புத்தகங்களை முன்வைத்து குழந்தைகளிடம் சிறு முகம் சுளிப்பைக்கூட காட்டக்கூடாது.

17. தினமும் குழந்தைகளுக்குக் கதை சொல்லுங்கள். குழந்தைகளுக்கு அப்படியொரு டார்லிங் ஆகிவிடுவீர்கள்.

18. கதைகள் அத்தனை வலிமையானவை. மனிதமனதை மயக்கிவிடும் மாயம் கொண்டவை.